Zulmat_kade Men Mere Shab-e-gam Kaa Josh Hai

Zulmat_kade Men Mere Shab-e-gam Kaa Josh Hai
Ik Shammaa Hai Dalil-e-sahar, So Khamosh Hai

Naa Muzdaa-e-visaal Na Nazzaaraa-e-jamaal
Muddat Hui Ki Aashti-e-chashm-o-gosh Hai

Mai Ne Kiyaa Hai Husn-e-khud_aara Ko Be_hijaab
Ae Shauq Yaan Ijaazat-e-taslim-e-hosh Hai

Gauhar Ko Ikd-e-gardan-e-khubaan Men Dekhanaa
Kyaa Auj Par Sitaaraa-e-gauhar_farosh Hai

Didaar, Vaadaa, Hausalaa, Saaqi, Nigaah-e-mast
Bazm-e-khayaal Maikadaa-e-be_kharosh Hai

Ae Taazaa Vaaridan-e-bisaat-e-havaa-e-dil
Zinhaar Gar Tumhen Havas-e-na-o-nosh Hai

Dekho Mujhe Jo Didaa-e-ibarat_nigaah Ho
Meri Suno Jo Gosh-e-nasihat_niyosh Hai

Saaqi Ba_jalvaa Dushman-e-imaan-o-aagahi
Mutarib Ba_nagmaa Rahazan-e-tamkin-o-hosh Hai

Yaa Shab Ko Dekhate The Ki Har Goshaa-e-bisaat
Daamaan-e-baagabaan-o-kaf-e-gul_farosh Hai

Lutf-e-khiraam-e-saaqi-o-zauq-e-sadaa-e-chang
Ye Jannat-e-nigaah Wo Firdaus-e-gosh Hai

Ya Subh Dam Jo Dekhiye Aakar To Bazm Men
Naa Vo Suruur-o-soz Na Josh-o-kharosh Hai

Daag-e-firaaq-e-sohabat-e-shab Ki Jali Hui
Ik Shammaa Rah Gai Hai So Vo Bhi Khamosh Hai

Aate Hain Gaib Se Ye Mazaamin Khayaal Men
'ghalib', Sarir-e-khaamaa Navaa-e-sarosh Hai

Zikr Us Parivash Kaa, Aur Phir Bayaan Apanaa

Zikr Us Parivash Kaa, Aur Phir Bayaan Apanaa
Ban Gayaa Raqib Aakhir Thaa Jo Raazadaan Apanaa

Mai Vo Kyon Bahut Pite Bazm-e-gair Men Yaarab
Aaj Hi Huaa Manzuur Un Ko Imtihaan Apanaa

Manzar Ik Bulandi Par Aur Ham Banaa Sakate
Arsh Se Idhar Hotaa Kaash Ke Makaan Apanaa

De Vo Jis Qadar Zillat Ham Hansi Men Talenge
Baare Aashna Nikalaa Unakaa Paasabaan Apanaa

Dard-e-dil Likhuun Kab Tak? Jaauun Un Ko Dikhalaa Duun
Ungaliyaan Figaar Apani Khaamaakhuun_chakaan Apanaa

Ghisate Ghisate Mit Jaataa Aap Ne Abas Badalaa
Nang-e-sajdaa Se Mere Sang-e-aastaan Apanaa

Taa Kare Na Gamaazi, Kar Liyaa Hai Dushman Ko
Dost Ki Shikaayat Men Ham Ne Ham-zabaan Apanaa

Ham Kahaan Ke Daanaa The Kis Hunar Men Yaktaa The
Be_sabab Huaa 'ghalib' Dushman Aasmaan Apanaa

Ye Na Thi Hamaari Qismat Ke Visaal-e-yaar Hotaa

Ye Na Thi Hamaari Qismat Ke Visaal-e-yaar Hotaa
Agar Aur Jite Rahate Yahi Intazaar Hotaa

Tere Vaade Par Jiye Ham To Ye Jaan Jhuuth Jaanaa
Ke Khushi Se Mar Na Jaate Agar Aitabaar Hotaa

Teri Naazuki Se Jaanaa Ki Bandhaa Thaa Ahd_bodaa
Kabhi Tuu Na To.d Sakataa Agar Ustavaar Hotaa

Koi Mere Dil Se Puuchhe Tere Tir-e-nimakash Ko
Ye Khalish Kahaan Se Hoti Jo Jigar Ke Paar Hotaa

Ye Kahaan Ki Dosti Hai Ke Bane Hain Dost Naaseh
Koi Chaaraasaaz Hotaa, Koi Gam_gusaar Hotaa

Rag-e-sang Se Tapakataa Wo Lahuu Ki Phir Na Thamataa
Jise Gam Samajh Rahe Ho Ye Agar Sharaar Hotaa

Gam Agarche Jaan_gusil Hai, Pe Kahaan Bachen Ke Dil Hai
Gam-e-ishq Gar Na Hotaa, Gam-e-rozagaar Hotaa

Kahuun Kis Se Main Ke Kyaa Hai, Shab-e-gam Buri Balaa Hai
Mujhe Kyaa Buraa Thaa Maranaa Agar Ek Baar Hotaa

Hue Mar Ke Ham Jo Rusavaa, Hue Kyon Na Garq-e-dariyaa
Na Kabhi Janaazaa Uthataa, Na Kahin Mazaar Hotaa

Use Kaun Dekh Sakataa Ki Yaganaa Hai Wo Yaktaa
Jo Dui Ki Buu Bhi Hoti To Kahin Do Chaar Hotaa

Ye Masaail-e-tasavvuf, Ye Teraa Bayaan 'ghalib'
Tujhe Ham Wali Samajhate, Jo Na Baadaa_khvaar Hotaa

Ye Jo Ham Hijr Men Divaar-o-dar Ko Dekhate Hain

Ye Jo Ham Hijr Men Divaar-o-dar Ko Dekhate Hain
Kabhi Sabaa Ko Kabhi Naamaabar Ko Dekhate Hain

Vo Aaye Ghar Men Hamaare Khudaa Ki Kudarat Hai
Kabhi Ham Un Ko Kabhi Apane Ghar Ko Dekhate Hain

Nazar Lage Na Kahin Usake Dast-o-baazuu Ko
Ye Log Kyon Mere Zakhm-e-jigar Ko Dekhate Hain

Tere Javaahir-e-tarf-e-kulah Ko Kyaa Dekhen
Ham Auj-e-taalaa-e-laal-o-guhar Ko Dekhate Hain

Vo Firaaq Aur Wo Visaal Kahaan

Vo Firaaq Aur Wo Visaal Kahaan
Vo Shab-o-roz-o-maah-o-saal Kahaan

Fursat-e-kaarobaar-e-shauq Kise
Zauq-e-nazzaaraa-e-jamaal Kahaan

Dil To Dil Vo Dimaag Bhi Na Rahaa
Shor-e-saudaa-e-khat-o-khaal Kahaan

Thi Wo Ik Shakhs Ke Tasavvur Se
Ab Vo Raannaai-e-khayaal Kahaan

Aisaa Aasaan Nahin Lahuu Ronaa
Dil Men Taaqat Jigar Men Haal Kahaan

Hamase Chuutaa Qimaar_khaanaa-e-ishq
Vaan Jo Jaayen Girah Men Maal Kahaan

Fikr-e-duniyaa Men Sar Khapaataa Huun
Main Kahaan Aur Ye Vabaal Kahaan

Muzamahil Ho Gaye Quvaa 'ghalib'
Wo Anaasir Men Aitadaal Kahaan

Vo Aake Khvaab Men Taskin-e-iztiraab To De

Vo Aake Khvaab Men Taskin-e-iztiraab To De
Vale Mujhe Tapish-e-dil Majaal-e-khwaab To De

Kare Hai Qatl Lagaavat Men Teraa Ro Denaa
Teri Tarah Koi Teg-e-nigaah Ko Aab To De

Dikhaake Jumbish-e-lab Hi Tamaam Kar Hamako
Na De Jo Bosaa To Muunh Se Kahin Javaab To De

Pilaa De Oak Se Saaqi Jo Hamase Nafrat Hai
Pyaalaa Gar Nahin Detaa Na De, Sharaab To De

'asad' Khushi Se Mere Haath Paanv Phuul Gae
Kahaa Jo Us Ne Zaraa Mere Paanv Daab To De

Us Bazm Men Mujhe Nahin Banati Hayaa Kiye

Us Bazm Men Mujhe Nahin Banati Hayaa Kiye
Baithaa Rahaa Agarche Ishaare Huaa Kiye

Dil Hi To Hai Siyaasat-e-darbaan Se Dar Gayaa
Main Aur Jaauun Dar Se Tere Bin Sadaa Kiye

Rakhataa Phiruun Huun Khirqaa-o-sajjaadaa Rahan-e-mai
Muddat Hui Hai Daavat-e-aab-o-havaa Kiye

Be_sarfaa Hi Guzarati Hai, Ho Garche Umr-e-khizr
Hazarat Bhi Kal Kahenge Ki Ham Kyaa Kiyaa Kiye

Maqaduur Ho To Khaak Se Puuchhuun Ke Ae Laim
Tuune Vo Ganj Haaye Giraan_maayaa Kyaa Kiye

Kis Roz Tohamaten Na Taraashaa Kiye Aduu
Kis Din Hamaare Sar Pe Na Aare Chalaa Kiye

Sohabat Men Gair Ki Na Pa.di Ho Kahin Ye Khuu
Dene Lagaa Hai Bose Bagair Iltijaa Kiye

Zid Ki Hai Aur Baat Magar Khuu Buri Nahin
Bhuule Se Us Ne Saika.don Vaade-vafaa Kiye

'ghalib' Tumhin Kaho Ki Milegaa Javaab Kyaa
Maanaa Ki Tum Kahaa Kiye Aur Vo Sunaa Kiye

Tuu Dost Kisi Kaa Bhi Sitam_gar Na Hu_aa Thaa

Tuu Dost Kisi Kaa Bhi Sitam_gar Na Hu_aa Thaa
Auron Pe Hai Vo Zulm Ki Mujh Par Na Hu_aa Thaa

Chho.daa Mah-e-nakhshab Ki Tarah Dast-e-qazaa Ne
Khurshid Hanoz Us Ke Baraabar Na Hu_aa Thaa

Taufiq Ba Andaaz-e-himmat Hai Azal Se
Aankhon Men Hai Vo Qataraa Ki Gauhar Na Hu_aa Thaa

Jab Tak Ki Na Dekhaa Thaa Qad-e-yaar Kaa Aalam
Main Motaqid-e-fitanaa-e-mahashar Na Hu_aa Thaa

Main Saadaa Dil Aazurdagi-e-yaar Se Khush Huun
Yaani Sabaq-e-shauq Mukarrar Na Hu_aa Thaa

Dariyaa-e-ma_aasi Tunuk Abhi Se Hu_aa Khushk
Meraa Sar-e-daaman Bhi Abhi Tar Na Hu_aa Thaa

Jaari Thi Asad Daag-e-jigar Se Mere Tahasil
Aatash_qadaa Jaagir-e-samandar Na Hu_aa Thaa

Taskin Ko Ham Na Roen Jo Zauq-e-nazar Mile

Taskin Ko Ham Na Roen Jo Zauq-e-nazar Mile
Huraan-e-khuld Men Teri Suurat Magar Mile

Apani Gali Men Mujh Ko Na Kar Dafn Baad-e-qatl
Mere Pate Se Khalq Ko Kyon Teraa Ghar Mile

Saaqi Gari Ki Sharm Karo Aaj Varnaa Ham
Har Shab Piyaa Hi Karate Hain Mai Jis Qadar Mile

Tujh Se To Kuchh Kalaam Nahin Lekin Ae Nadim
Meraa Salaam Kahiyo Agar Naamaabar Mile

Tum Ko Bhi Ham Dikhaaye Ke Majanuun Ne Kyaa Kiyaa
Fursat Kashaakash-e-gam-e-pinhaan Se Gar Mile

Laazim Nahin Ke Khijr Ki Ham Pairavi Karen
Maanaa Ke Ek Buzurg Hamen Ham Safar Mile

Ae Saakanaan-e-kuchaa-e-dil_daar Dekhanaa
Tum Ko Kahin Jo Ghalib-e-aashuftaa Sar Mile

Shikave Ke Naam Se Bemehar Khafaa Hotaa Hai

Shikave Ke Naam Se Bemehar Khafaa Hotaa Hai
Ye Bhi Mat Kah Ke Jo Kahiye To Gilaa Hotaa Hai

Pur Huun Main Shikave Se Yuun Raag Se Jaise Baajaa
Ik Zaraa Chhe.diye Phir Dekhiye Kyaa Hotaa Hai

Go Samajhataa Nahin Par Husn-talaafi Dekho
Shikavaa-e-jaur Se Sar-garm-e-jafaa Hotaa Hai

Ishq Ki Raah Men Hai Charkh-e-makaukab Ki Vo Chaal
Sust-rau Jaise Ko_i Aabalaa_paa Hotaa Hai

Kyuun Na Thaharen Hadaf-e-naavak-e-bedaad Ke Ham
Aap Uthaa Laate Hain Gar Tir Khataa Hotaa Hai

Khuub Thaa, Pahale Se Hote Jo Ham Apane Bad-khvaah
Ke Bhalaa Chaahate Han Aur Buraa Hotaa Hai

Naalaa Jaataa Thaa Pare Arsh Se Meraa Aur Ab
Lab Tak Aataa Hai, Jo Aisaa Hi Rasaa Hotaa Hai

Hauq Har Rang Raqib-e-sar-o-saamaan Nikalaa

Hauq Har Rang Raqib-e-sar-o-saamaan Nikalaa
Qais Tasavir Ke Parde Men Bhi Uriyaan Nikalaa

Zakhm Ne Daad Na Di Tangi-e-dil Ki Yaarab
Tir Bhi Sinaa-e-bismil Se Par_afshaan Nikalaa

Buu-e-gul Naalaa-e-dil Duud-e-charaag-e-mahafil
Jo Teri Bazm Se Nikalaa So Parishaan Nikalaa

Dil-e-hasarat_zadaa Thaa Maaidaa-e-lazzat-e-dard
Kaam Yaaron Kaa Baqadr-e-lab-o-dandaan Nikalaa

Thi Nau_aamoz-e-fanaa Himmat-e-dushvaar_pasand
Sakht Mushkil Hai Ki Ye Kaam Bhi Aasaan Nikalaa

Dil Men Phir Giriyaa Ne Ik Shor Uthaayaa 'ghalib'
Aah Jo Qataraa Na Nikalaa Thaa So Tuufaan Nikalaa

Sar Gashtagi Men Aalam-e-hasti Se Yaas Hai

Sar Gashtagi Men Aalam-e-hasti Se Yaas Hai
Taskin Ko De Naved Ke Marane Ki Aas Hai

Letaa Nahin Mere Dil-e-aavaaraa Ki Khabar
Ab Tak Vo Jaanataa Hai Ke Mere Hi Paas Hai

Kije Bayaan Suruur-e-tap-e-gam Kahaan Talak
Har Muu Mere Badan Pe Zabaan-e-sipaas Hai

Hai Vo Guruur-e-husn Se Begaanaa-e-vafaa
Har-chand Us Ke Paas Dil-e-haq-shanaas Hai

Pi Jis Qadar Mile Shab-e-mahataab Men Sharaab
Is Balagami Mizaaj Ko Garmi Hi Raas Hai

Har Yak Makaan Ko Hai Makin Se Sharaf "asad"
Majanuun Jo Mar Gayaa Hai To Jangal Udaas Hai

Sab Kahaan Kuchh Laalaa-o-gul Men Numaayaan Ho Gain

Sab Kahaan Kuchh Laalaa-o-gul Men Numaayaan Ho Gain
Khaak Men Kyaa Suuraten Hongi Ki Pinhaan Ho Gain

Yaad Thi Hamako Bhi Rangaa Rang Bazmaaraaiyaan
Lekin Ab Naqsh-o-nigaar-e-taaq-e-nisiyaan Ho Gain

Thin Banaatunnaash-e-garduun Din Ko Parde Men Nihaan
Shab Ko Unake Ji Men Kyaa Aai Ki Uriyaan Ho Gain

Qaid Men Yaaquub Ne Li Go Na Yuusuf Ki Khabar
Lekin Aankhen Rauzan-e-divaar-e-zindaan Ho Gain

Sab Raqibon Se Hon Naakhush, Par Zanaan-e-misr Se
Hai Zulaikhaa Khush Ke Mahv-e-maah-e-kanaan Ho Gain

Juu-e-khuun Aankhon Se Bahane Do Ki Hai Shaam-e-firaaq
Main Ye Samajhuungaa Ke Shamaen Ho Farozaan Ho Gain

In Parizaadon Se Lenge Khuld Men Ham Intaqaam
Qudarat-e-haq Se Yahi Huuren Agar Waan Ho Gain

Nind Usaki Hai, Dimaag Usakaa Hai, Raaten Usaki Hain
Teri Zulfen Jisake Baazuu Par Parishaan Ho Gain

Main Chaman Men Kyaa Gayaa, Goyaa Dabistaan Khul Gayaa
Bul-bulen Sun Kar Mere Naale, Gazal_khvaan Ho Gain

Vo Nigaahen Kyuun Hui Jaati Hain Yaarab Dil Ke Paar
Jo Meri Kotaahi-e-qismat Se Mizshgaan Ho Gain

Bas Ki Rokaa Main Ne Aur Sine Men Ubharen Pai Ba Pai
Meri Aahen Bakhiyaa-e-chaak-e-garibaan Ho Gain

Waan Gayaa Bhi Main To Unaki Gaaliyon Kaa Kyaa Javaab
Yaad Thi Jitani Duaayen, Sarf-e-darbaan Ho Gain

Jaanfizaa Hai Baadaa, Jisake Haath Men Jaam Aa Gayaa
Sab Lakiren Haath Ki Goyaa Rag-e-jaan Ho Gain

Ham Muvahihad Hain, Hamaaraa Kesh Hai Tark-e-ruusuum
Millaten Jab Mit Gain, Ajzaa-e-imaan Ho Gain

Ranj Se Khuugar Huaa Insaan To Mit Jaataa Hai Ranj
Mushkilen Mujh Par Pa.di Itani Ke Aasaan Ho Gain

Yuun Hi Gar Rotaa Rahaa 'ghalib', To Ae Ahl-e-jahaan
Dekhanaa In Bastiyon Ko Tum Ki Viraan Ho Gain

Saadagi Par Us Ki Mar Jaane Ki Hasarat Dil Men Hai

Saadagi Par Us Ki Mar Jaane Ki Hasarat Dil Men Hai
Bas Nahin Chalataa Ki Phir Khanjar Kaf-e-qaatil Men Hai

Dekhanaa Taqarir Ki Lazzat Ki Jo Usane Kahaa
Mainne Yah Jaanaa Ki Goyaa Yah Bhi Mere Dil Men Hai

Garache Hai Kis Kis Buraa_i Se Vale Baa In Hamaa
Zikr Meraa Mujh Se Behatar Hai Ki Us Mahafil Men Hai

Bas Hujuum-e-naa Umidi Khaak Men Mil Jaayagi
Yah Jo Ik Lazzat Hamaari Sa_i-e-behaasil Men Hai

Ranj-e-rah Kyon Khenchiye Vaamaandagi Ko Ishq Hai
Uth Nahin Sakataa Hamaaraa Jo Qadam Manzil Men Hai

Jalvaa Zaar-e-aatash-e-dozakh Hamaaraa Dil Sahi
Fitanaa-e-shor-e-qayaamat Kis Ki Aab-o-gil Men Hai

Hai Dil-e-shoridaa-e-gaalib Tilism-e-pech-o-taab
Raham Kar Apani Tamannaa Par Ki Kis Mushkil Men Hai

Rone Se Aur Ishq Men Bebaak Ho Gae

Rone Se Aur Ishq Men Bebaak Ho Gae
Dhoe Gae Ham Aise Ki Bas Paak Ho Gae

Sarf-e-bahaa-e-mai Hue Aalaat-e-maikashi
The Ye Hi Do Hisaab So Yon Paak Ho Gae

Rusavaa-e-dahar Go Hue Aavaargi Se Tum
Baare Tabiyaton Ke To Chaalaak Ho Gae

Kahataa Hai Kaun Naalaa-e-bul_bul Ko Beasar
Parde Men Gul Ke Laakh Jigar Chaak Ho Gae

Puuchhe Hai Kyaa Vajuud-o-adam Ahl-e-shauq Kaa
Aap Apani Aag Se Khas-o-khaashaak Ho Gae

Karane Gaye The Us Se Tagaaful Kaa Ham Gilaa
Ki Ek Hi Nigaah Ki Bas Khaak Ho Gae

Is Rang Se Uthaai Kal Us Ne 'asad' Ki Naash
Dushman Bhi Jis Ko Dekh Ke Gam_naak Ho Gae

Rahiye Ab Aisi Jagah Chalakar Jahaan Koi Na Ho

Rahiye Ab Aisi Jagah Chalakar Jahaan Koi Na Ho
Hamasukhan Koi Na Ho Aur Hamazabaan Koi Na Ho

Bedar-o-divaar Saa Ik Ghar Banaayaa Chaahiye
Koi Hamasaayaa Na Ho Aur Paasabaan Koi Na Ho

Pa.diye Gar Bimaar To Koi Na Ho Timaaradaar
Aur Agar Mar Jaaiye To Nauhaa_khvaan Koi Na Ho

Phir Mujhe Didaa-e-tar Yaad Aayaa

Phir Mujhe Didaa-e-tar Yaad Aayaa
Dil Jigar Tashnaa-e-fariyaad Aayaa

Dam Liyaa Thaa Na Qayaamat Ne Hanoz
Phir Teraa Vaqt-e-safar Yaad Aayaa

Saadagi Haaye Tamannaa Yaani
Phir Wo Nai_rang-e-nazar Yaad Aayaa

Uzr-e-vaamaandagi Ae Hasrat-e-dil
Naalaa Karataa Thaa Jigar Yaad Aayaa

Zindagi Yuun Bhi Guzar Hi Jaati
Kyon Teraa Raah_guzar Yaad Aayaa

Kyaa Hi Rizavaan Se La.daai Hogi
Ghar Teraa Khuld Men Gar Yaad Aayaa

Aah Wo Jurrat-e-fariyaad Kahaan
Dil Se Tang Aake Jigar Yaad Aayaa

Phir Tere Kuuche Ko Jaata Hai Khayaal
Dil-e-gum_gashtaa Magar Yaad Aayaa

Koi Viraani-si-viraani Hai
Dasht Ko Dekh Ke Ghar Yaad Aayaa

Main Ne Majanuun Pe La.dakapan Men 'asad'
Sang Uthaayaa Thaa Ke Sar Yaad Aayaa

Phir Kuchh Is Dil Ko Beqaraari Hai

Phir Kuchh Is Dil Ko Beqaraari Hai
Sinaa Zoyaa-e-zakhm-e-kaari Hai

Phir Jigar Khodane Lagaa Naakhun
Aamad-e-fasl-e-laalaakaari Hai

Qiblaa-e-maqsad-e-nigaah-e-niyaaz
Phir Vahi Pardaa-e-ammaari Hai

Chashm-e-dallal-e-jins-e-rusavaai
Dil Kharidaar-e-zauq-e-khvaari Hai

Vahi Sad_rang Naalaa Farsaai
Vahi Sad_guunaa Ashq_baari Hai

Dil Havaa-e-khiraam-e-naaz Se Phir
Mahashristaan-e-beqaraari Hai

Jalvaa Phir Arz-e-naaz Karataa Hai
Roz-e-baazaar-e-jaan_supaari Hai

Phir Usi Bevafaa Pe Marate Hain
Phir Vahi Zindagi Hamaari Hai

Phir Khulaa Hai Dar-e-adaalat-e-naaz
Garm Baazaar-e-fauj_daari Hai

Ho Rahaa Hai Jahaan Men Andher
Zulf Ki Phir Sarishtaa_daari Hai

Phir Diyaa Paaraa-e-jigar Ne Savaal
Ek Fariyaad-o-aah-o-zaari Hai

Phir Hue Hain Gavaah-e-ishq Talab
Ashq_baari Kaa Hukm_zaari Hai

Dil-o-mizshgaan Kaa Jo Muqadamaa Thaa
Aaj Phir Us Ki Ruub_qaari Hai

Be_khudi Be_sabab Nahin 'ghalib'
Kuchh To Hai Jis Ki Pardaadaari Hai

phir is andaaz se bahaar aai

phir is andaaz se bahaar aai
ke huye mehar-o-maah tamaashaai

dekho ai sakinaan-e-khittaa-e-Khaak
is ko kahate hain aalam-aaraai

ke zamin ho gai hai sar taa sar
ruukash-e-satahe charKhe minaai

sabze ko jab kahin jagah na mili
ban gayaa ruu-e-aab par kaai

sabz-o-gul ke dekhane ke liye
chashm-e-nargis ko di hai binaai

hai havaa men sharaab ki taasir
badaanoshi hai baad paimaai

kyuun na duniyaa ko ho Khushi "Ghalib"
shaah-e-dindaar ne shifaa pai

Nuktaachin Hai Gam-e-dil Us Ko Sunaaye Na Bane

Nuktaachin Hai Gam-e-dil Us Ko Sunaaye Na Bane
Kyaa Bane Baat Jahaan Baat Banaaye Na Bane

Main Bulaataa To Huun Us Ko Magar Ae Jazbaa-e-dil
Us Pe Ban Jaaye Kuchh Aisi Ki Bin Aaye Na Bane

Khel Samajhaa Hai Kahin Chho.d Na De, Bhuul Na Jaaye
Kaash Yuun Bhi Ho Ki Bin Mere Sataaye Na Bane

Gair Phirataa Hai Lie Yuun Tere Khat Ko Ki Agar
Koi Puuchhe Ki Ye Kyaa Hai To Chhupaaye Na Bane

Is Nazaakat Kaa Buraa Ho Vo Bhale Hain To Kyaa
Haath Aayen To Unhen Haath Lagaaye Na Bane

Kah Sake Kaun Ki Ye Jalvaa_gari Kisaki Hai
Pardaa Chho.daa Hai Vo Usane Ki Uthaaye Na Bane

Maut Ki Raah Na Dekhuun Ki Bin Aaye Na Rahe
Tum Ko Chaahuun Ki Na Aao To Bulaaye Na Bane

Bojh Wo Sar Pe Giraa Hai Ki Uthaaye Na Uthe
Kaam Vo Aan Pa.daa Hai Ki Banaaye Na Bane

Ishq Par Zor Nahin, Hai Ye Vo Aatish 'ghalib'
Ki Lagaaye Na Lage Aur Bujhaaye Na Bane