Hai Bas Ki Har Ik Unake Ishaare Men Nishaan Aur

Hai Bas Ki Har Ik Unake Ishaare Men Nishaan Aur
Karate Hain Muhabbat To Guzarataa Hai Gumaan Aur

Yaa Rab Vo Na Samajhe Hain Na Samajhenge Meri Baat
De Aur Dil Unako Jo Na De Mujhako Zubaan Aur

Abaruu Se Hai Kyaa Us Nigaah -e-naaz Ko Paiband
Hai Tir Muqarrar Magar Usaki Hai Kamaan Aur

Tum Shahar Men Ho To Hamen Kyaa Gam Jab Uthenge
Le Aayenge Baazaar Se Jaakar Dil-o-jaan Aur

Har Chand Subuk_dast Hue But_shikani Men
Ham Hain To Abhi Raah Men Hai Sang-e-giraan Aur

Hai Khuun-e-jigar Josh Men Dil Khol Ke Rotaa
Hote Kai Jo Didaa-e-khuunnaaba_fishaan Aur

Marataa Huun Is Aavaaz Pe Har Chand Sar U.d Jaaye
Jallaad Ko Lekin Vo Kahe Jaaye Ki Haan Aur

Logon Ko Hai Khurshid-e-jahaan Taab Kaa Dhokaa
Har Roz Dikhaataa Huun Main Ik Daag-e-nihaan Aur

Letaa Na Agar Dil Tumhen Detaa Koi Dam Chain
Karataa Jo Na Marataa Koi Din Aah-o-fugaan Aur

Paate Nahin Jab Raah To Cha.d Jaate Hain Naale
Rukati Hai Meri Tabaa To Hoti Hai Ravaan Aur

Hain Aur Bhi Duniyaa Men Sukhanavar Bahut Achchhe
Kahate Hain Ki 'ghalib' Kaa Hai Andaaz-e-bayaan Aur