Hairaan Huun Dil Ko Rouun Ki Pituun Jigar Ko Main

Hairaan Huun Dil Ko Rouun Ki Pituun Jigar Ko Main
Maqaduur Huun To Saath Rakhuun Nauhaagar Ko Main

Chho.daa Na Rashk Ne Ki Tere Ghar Kaa Naam Luun
Har Ek Se Puuchhataa Huun Ki Jaauun Kidhar Ko Main

Jaana Pa.daa Raqib Ke Dar Par Hazaar Baar
Ai Kaash Jaanataa Na Teri Rahaguzar Ko Main

Hai Kyaa Jo Kas Ke Baandhiye Meri Balaa Dare
Kyaa Jaanataa Nahin Huun Tumhaari Kamar Ko Main

Lo Vo Bhi Kahate Hain Ki Ye Be_nang-o-naam Hai
Ye Jaanataa Agar To Lutaataa Na Ghar Ko Main

Chalataa Huun Tho.di Duur Har Ik Tez Rau Ke Saath
Pahachaanataa Nahin Huun Abhi Raahabar Ko Main

Khvaahish Ko Ahamaqon Ne Parastish Diyaa Qaraar
Kyaa Puujataa Huun Us But-e-bedaadagaar Ko Main

Phir Bekhudi Men Bhuul Gayaa Raah-e-kuu-e-yaar
Jaataa Vagarnaa Ek Din Apani Khabar Ko Main

Apane Pe Kar Rahaa Huun Qiyaas Ahal-e-dahar Kaa
Samajhaa Huun Dil Pazir Mataa-e-hunar Ko Main

"ghalib" Khudaa Kare Ki Savaar-e-samand-e-naaz
Dekhuun Ali Bahaadur-e-aaliguhar Ko Main