Dil Hi To Hai Na Sang-o-khisht Dard Se Bhar Na Aaye Kyuun

Dil Hi To Hai Na Sang-o-khisht Dard Se Bhar Na Aaye Kyuun
Roenge Ham Hazaar Baar Koi Hamen Sataaye Kyuun

Dair Nahin Haram Nahin Dar Nahin Aastaan Nahin
Baithe Hain Rahaguzar Pe Ham Gair Hamen Uthaaye Kyuun

Jab Vo Jamaal-e-dilafaroz, Suurat-e-mahr-e-nimaroz
Aap Hi Ho Nazaaraasoz, Parde Men Muunh Chhupaaye Kyuun

Dashnaa-e-gamzaa Jaansitaan, Naavak-e-naaz Bepanaah
Teraa Hi Aks-e-rukh Sahi, Saamane Tere Aaye Kyuun

Qaid-e-hayaat-o-band-e-gam Asl Men Donon Ek Hain
Maut Se Pahale Aadami Gam Se Najaat Paaye Kyuun

Husn Aur Us Pe Husn-e-zan Rah Gai Bulahavas Ki Sharm
Apane Pe Etimaad Hai Gair Ko Aazamaaye Kyuun

Vaan Vo Guroor-e-izz-o-naaz Yaan Ye Hijaab-e-paas Vaz_a
Raah Men Ham Milen Kahaan, Bazm Men Vo Bulaayen Kyuun

Haan Vo Nahin Khudaaparast, Jaao Vo Bevafaa Sahi
Jisako Ho Din-o-dil Aziz, Usaki Gali Men Jaaye Kyuun

"ghalib"-e-khastaa Ke Bagair Kaun Se Kaam Band Hain
Roie Zaar-zaar Kyaa, Kijie Haaye-haaye Kyuun