Dil Se Teri Nigaah Jigar Tak Utar Gai

Dil Se Teri Nigaah Jigar Tak Utar Gai
Donon Ko Ik Adaa Men Razaamand Kar Gai

Shaq Ho Gayaa Hai Sinaa Khushaa Lazzat-e-faraag
Takleef-e-pardaadaari-e-zakhm-e-jigar Gai

Vo Baadaa-e-shabaanaa Ki Saramastiyaan Kahaan
Uthiye Bas Ab Ke Lazzat-e-khvaab-e-sahar Gai

U.dati Phire Hai Khaak Meri Kuu-e-yaar Men
Baare Ab Ai Havaa, Havas-e-baal-o-par Gai

Dekho To Dil Farebi-e-andaaz-e-naqsh-e-paa
Mauj-e-khiraam-e-yaar Bhi Kyaa Gul Katar Gai

Har Bulahavas Ne Husn Parasti Shi_aar Ki
Ab Aabaruu-e-shevaa-e-ahal-e- Nazar Gai

Nazzaare Ne Bhi Kaam Kiyaa Vaan Naqaab Kaa
Masti Se Har Nigah Tere Rukh Par Bikhar Gai

Fardaa-o-din Kaa Tafarruuqaa Yak Baar Mit Gayaa
Kal Tum Gae Ke Ham Pe Qayaamat Guzar Gai

Maaraa Zamaane Ne 'asadullah Khaan" Tumhen
Vo Valavale Kahaan, Vo Javaani Kidhar Gai