Ye Daulat Bhi Le Lo Ye Shoharat Bhi Le Lo

Ye Daulat Bhi Le Lo, Ye Shoharat Bhi Le Lo
Bhale Chhin Lo Mujhase Meri Javaani
Magar Mujhako Lautaa Do Bachapan Kaa Saavan
Vo Kaagaz Ki Kashti, Vo Baarish Kaa Paani

Muhalle Ki Sabase Puraani Nishaani
Vo Budhiyaa Jise Bachche Kahate The Naani
Vo Naani Ki Baaton Mein Pariyon Kaa Deraa
Vo Chahare Ki Jhuriryon Mein Sadiyon Kaa Pheraa
Bhulaae Nahin Bhuul Sakataa Hai Koi
Vo Chhoti Si Raaten Vo Lambi Kahaani

Kadi Dhuup Mein Apane Ghar Se Nikalanaa
Vo Chidiyaa Vo Bulabul Vo Titali Pakadanaa
Vo Gudiyaa Ki Shaadi Mein Ladanaa Jhagadanaa
Vo Jhuulon Se Giranaa Vo Gir Ke Sambhalanaa
Vo Pital Ke Chhallon Ke Pyaare Se Tohafe
Vo Tuuti Hui Chuudiyon Ki Nishaani

Kabhi Ret Ke Unche Tilon Pe Jaanaa
Gharaunde Banaanaa Banaake Mitaanaa
Vo Maasuum Chahat Ki Tasvir Apani
Vo Kvaabon Khilaunon Ki Jaagir Apani
Na Duniyaa Kaa Gam Thaa Na Rishton Ke Bandhan
Badi Khuubasuurat Thi Vo Zindagaani

Ye Daulat Bhi Le Lo, Ye Shoharat Bhi Le Lo
Bhale Chhin Lo Mujhase Meri Javaani