Gam-e-duniyaa Se Gar Paa_i Bhi Fursat Sar Uthaane Ki

Gam-e-duniyaa Se Gar Paa_i Bhi Fursat Sar Uthaane Ki
Falak Kaa Dekhanaa Taqarib Tere Yaad Aane Ki

Khulegaa Kis Tarah Mazamuun Mere Maktuub Kaa Yaarab
Qasam Khaa_i Hai Us Kaafir Ne Kaagaz Ke Jalaane Ki

Lipatanaa Paraniyaan Men Sholaa-e-aatish Kaa Aasaan Hai
Vale Mushkil Hai Hikamat Dil Men Soz-e-gam Chhupaane Ki

Unhen Manzuur Apane Zakhmiyon Kaa Dekh Aanaa Thaa
Uthe The Sair-e-gul Ko Dekhanaa Shokhi Bahaane Ki

Hamaari Saadagi Thi Iltafaat-e-naaz Par Maranaa
Teraa Aanaa Na Thaa Zaalim Magar Tamahid Jaane Ki

Laqad-kob-e-havaadis Kaa Tahammul Kar Nahin Sakati
Meri Taaqat Ke Zaamin Thi Buton Ke Naaz Uthaane Ki

Kahuun Kyaa Khuubi-e-auzaag-e-ibnaa-e-zamaan "ghalib"
Badi Ki Usane Jis Se Hamane Ki Thi Baarahaa Neki