Dil Meraa Soz-e-nihaan Se Bemuhaabaa Jal Gayaa

Dil Meraa Soz-e-nihaan Se Bemuhaabaa Jal Gayaa
Aatish-e-khaamosh Ke Maanind Goyaa Jal Gayaa

Dil Men Zauq-e-vasl-o-yaad-e-yaar Tak Baaqi Nahin
Aag Is Ghar Men Lagi Aisi Ki Jo Thaa Jal Gayaa

Main Adam Se Bhi Pare Huun Varnaa Gaafil! Baarahaa
Meri Aah-e-aatashin Se Baal-e-anqaa Jal Gayaa

Arz Kije Jauhar-e-andeshaa Ki Garmi Kahaan
Kuchh Khayaal Aayaa Thaa Vahashat Kaa Ki Seharaa Jal Gayaa

Dil Nahin, Tujh Ko Dikhaataa Varnaa Daagon Ki Bahaar
Is Charaagaan Kaa, Karuun Kyaa, Kaarafarmaa Jal Gayaa

Main Huun Aur Afsurdagi Ki Aarazuu "ghalib"! Ke Dil
Dekh Kar Tarz-e-tapaak-e-ahl-e-duniyaa Jal Gayaa