Dard Minnat_kashe-davaa Na Huaa

Dard Minnat_kashe-davaa Na Huaa
Main Na Achchaa Huaa, Buraa Na Huaa

Jamaa Karate Ho Kyon Raqibon Ko
Ik Tamaashaa Huaa Gilaa Na Huaa

Ham Kahaan Qismat Aazamaane Jaayen
Tuu Hi Jab Khanjar Aazamaa Na Huaa

Kitane Shirin Hain Tere Lab Ke Raqib
Gaaliyaan Khaake Bemazaa Na Huaa

Hai Khabar Garm Unake Aane Ki
Aaj Hi Ghar Men Boriyaa Na Huaa

Kyaa Vo Namaruud Ki Khudaai Thi
Bandagi Men Meraa Bhalaa Na Huaa

Jaan Di, Di Hui Usi Ki Thi
Haq To Yuun Hai Ke Haq Adaa Na Huaa

Zakhm Gar Dab Gayaa Lahuu Na Thamaa
Kaam Gar Ruk Gaya Ravaa Na Huaa

Rahazani Hai Ki Dil_sitaanee Hai
Leke Dil, Dil_sitaan Ravaa Na Huaa

Kuchch To Pa.dhiye Ki Log Kahate Hain
Aaj 'ghalib' Gazal_saraa Na Huaa