Be-aitadaaliyon Se Subuk Sab Men Ham Hue

Be-aitadaaliyon Se Subuk Sab Men Ham Hue
Jitane Ziyaadaa Ho Gaye Utane Hi Kam Hue

Pinhaan Thaa Daam Sakht Qarib Aashiyaan Ke
U.dane Na  Paaye The Ki Giraftaar Ham Hue

Hasti Hamaari Apani Fanaa Par Dalil Hai
Yaan Tak Mite Ke Aap Ham Apani Qasam Hue

Sakhti_kashaan-e-ishq Ki Puuchhe Hai Kyaa Khabar
Vo Log Raftaa-raftaa Saraa_paa Alam Hue

Teri Vafaa Se Kyaa Ho Talaafi Ki Dahar Men
Tere Sivaa Bhi Ham Pe Bahut Se Sitam Hue

Likhate Rahe Junuun Ki Hikaayat-e-khuun_chakaan
Harchand Is Men Haath Hamaare Qalam Hue

Allaah Re! Teri Tundi-e-khuu Jis Ke Bim Se
Azzaa-e-naalaa Dil Men Mere Rizqe-ham Hue

Ahal-e-havas Ki Fatah Hai Tark-e-nabard-e-ishq
Jo  Paanv Uth  Gaye Vo Hi Un Ke Alam Hue

Naal-e-adam Men Chand Hamaare Supurd The
Jo Waan Na Khinch Sake So Wo Yaan Aake Dam Hue

Cho.di 'asad' Na Ham Ne Gadaa_i Men Dil_lagi
Saa_il Hue To Aashiq-e-ahal-e-karam Hue