Bas Ki Dushwaar Hai Har Kaam Ka Aasaan Honaaa

Bas Ki Dushwaar Hai Har Kaam Ka Aasaan Honaaa
Aadami Ko Bhi Mayassar Nahin Insaan Honaa

Giriyaa Chaahe Hai Kharaabi Mere Kaashaane Ki
Dar-o-divaar Se Tapake Hai Bayaabaan Honaa

Waa-e-diwaangi-e-shauq Ke Har Dam Mujh Ko
Aap Jaanaa Udhar Aur Aap Hi Hairaan Honaa

Jalvaa Az_bas Ke Taqaaza-e-nigah Karataa Hai
Jauhar-e-aaina Bhi Chaahe Hai Mizagaan Honaa

Ishrat-e-qatl_gah-e-ahal-e-tamannaa Mat Puuchh
Id-e-nazzaaraa Hai Shamashir Kaa Uriyaan Honaa

Le Gaye Khaak Men Ham Daag-e-tamannaa-e-nishaat
Tuu Ho Aur Aap Ba_sad_rang-e-gulistaa. N Honaa

Ishrat-e-paaraa-e-dil, Zakhm-e-tamannaa_khaanaa
Lazzat-e-rish-e-jigar Garq-e-namakdaan Honaa

Ki Mere Qatl Ke Baad Us Ne Jafaa Se Taubaa
Haaye Us Zod_pashemaan Kaa Pashemaan Honaa

Haif Us Chaar Girah Kapa.de Ki Qismat 'ghalib'
Jis Ki Qismat Men Ho Aashiq Kaa Garebaan Honaa