Baazichaa-e-atfaal Hai Duniyaa Mere Aage

Baazichaa-e-atfaal Hai Duniyaa Mere Aage
Hotaa Hai Shab-o-roz Tamaashaa Mere Aage

Ik Khel Hai Aurang-e-sulemaan Mere Nazadik
Ik Baat Hai Ejaaz-e-masihaa Mere Aage

Juz Naam Nahin Suurat-e-aalam Mujhe Manzuur
Juz Vaham Nahin Hasti-e-ashiyaa Mere Aage

Hotaa Hai Nihaan Gard Men Seharaa Mere Hote
Ghisataa Hai Jabin Khaak Pe Dariyaa Mere Aage

Mat Puuchh Ke Kyaa Haal Hai Meraa Tere Pichhe
Tuu Dekh Ke Kyaa Rang Hai Teraa Mere Aage

Sach Kahate Ho Khud_bin-o-khud_aaraa Huun Na Kyon Huun
Baithaa Hai But-e-aa_inaa Simaa Mere Aage

Phir Dekhiye Andaaz-e-gul_afshaani-e-guftaar
Rakh De Ko_i Paimaanaa-e-sahabaa Mere Aage

Nafrat Ka Gumaan Guzare Hai Main Rashk Se Guzaraa
Kyon Kar Kahuun Lo Naam Naa Us Kaa Mere Aage

Imaan Mujhe Roke Hai Jo Khinche Hai Mujhe Kufr
Kaabaa Mere Pichhe Hai Kalisaa Mere Aage

Aashiq Huun Pe Maashuuq_farebi Hai Mera Kaam
Majanuun Ko Buraa Kahati Hai Lailaa Mere Aage

Khush Hote Hain Par Vasl Men Yuun Mar Nahin Jaate
Aa_i Shab-e-hijaraan Ki Tamannaa Mere Aage

Hai Mauj_zan Ik Qulzum-e-khuun Kaash! Yahi Ho
Aataa Hai Abhi Dekhiye Kyaa-kyaa Mere Aage

Go Haath Ko Jumbish Nahin Aankhon Men To Dam Hai
Rahane Do Abhi Saagar-o-minaa Mere Aage

Ham_peshaa-o-ham_masharab-o-ham_raaz  Hai Meraa
'ghalib' Ko Buraa Kyon Kaho Achchhaa Mere Aage