Arz-e-niyaaz-e-ishq Ke Qaabil Nahin Rahaa

Arz-e-niyaaz-e-ishq Ke Qaabil Nahin Rahaa
Jis Dil Pe Naaz Thaa Mujhe Vo Dil Nahin Rahaa

Jaataa  Huun Daag-e-hasarat-e-hasti Liye Hue
Huun Shammaa-e-kushtaa Darakhur-e-mahafil Nahin Rahaa

Marane Ki Ai Dil Aur Hi Tadabir Kar Ki Main
Shaayaan-e-dast-o-baazuu-e-qaatil Nahin Rahaa

Ba-ruu-e-shash Jihat Dar-e-aa_inaabaaz Hai
Yaan Imtiaaz-e-naakis-o-qaamil Nahin Rahaaa

Vaa Kar Diye Hain Shauq Ne Band-e-naqaab-e-husn
Gair Az  Nigaah Ab Ko_i Haa_il Nahin  Rahaa

Go Main Rahaa Rahin-e-sitam Haaye Rozagaar
Lekin Tere Khayaal Se Gaafil Nahin Rahaa

Dil Se Havaa-e-kisht-e-vafaa Mit Ke Vaan
Haasil Sivaaye Hasrat-e-haasil Nahin Rahaa

Bedaad-e-ishq Se Nahin  Darata Magar 'asad'
Jis Dil Pe Naaz Thaa Mujhe Vo Dil Nahin Rahaa