Honton Se Chhu Lo Tum Mera Geet Amar Kar Do

Honton Se Chhu Lo Tum, Mera Geet Amar Kar Do
Ban Jaao Meet Mere, Meri Preet Amar Kar Do

Na Umr Ki Seema Ho, Na Janm Ka Ho Bandhan
Jab Pyaar Kare Koi, To Dekhe Keval Mann
Nayi Reet Chalaakar Tum, Yeh Reet Amar Kar Do

Aakash Ka Soonapan, Mere Tanha Mann Mein
Payal Chhankaati Tum, Aa Jaao Jeevan Mein
Sansein Dekar Apni, Sangit Amar Kar Do
Mera Geet Amar Kar Do

Jag Ne Chheena Mujhse, Mujhe Jo Bhi Laga Pyara
Sab Jeeta Kiye Mujhse, Main Har Dam Hi Haara
Tum Haarke Dil Apna, Meri Jeet Amar Kar Do

Honton Se Chhoo Lo Tum, Mera Geet Amar Kar Do