Dekhanaa Qismat Ki Aap Apane Pe Rashk Aa Jaaye Hai

 Dekhanaa Qismat Ki Aap Apane Pe Rashk Aa Jaaye Hai
Main Use Dekhuun Bhalaa Kab Mujhase Dekhaa Jaaye Hai

Haath Dho Dil Se Yahi Garmi Gar Andeshe Men Hai
Aab_ginaa Tundi-e-sahabaa Se Pighalaa Jaaye Hai

Gair Ko Yaarab Vo Kyon Kar Manaa-e-gustaakhi Kare
Gar Hayaa Bhi Usako Aati Hai To Sharmaa Jaaye Hai

Shauq Ko Ye Lat Ke Hardam Naalaa Khenche Jaaiye
Dil Ki Vo Haalat Ki Dam Lene Se Ghabaraa Jaaye Hai

Duur Chashm-e-bad Teri Bazm-e-taraab Se Vaah Vaah
Nagmaa Ho Jaataa Hai Vaan Gar Naalaa Meraa Jaaye Hai

Garche Hai Tarz-e-tagaaful Pardaadaar-e-raaz-e-ishq
Par Ham Aise Khoye Jaate Hain Ki Vo Paa Jaaye Hai

Usaki Bazmaaraaiyaan Sunakar Dil-e-ranjuur Yaan
Misl-e-naqsh-e-muddaa-e-gair Baithaa Jaaye Hai

Hoke Aashiq Vo Pari_rukh Aur Naazuk Ban Gayaa
Rang Khulataa Jaaye Hai Jitanaa Ki U.dataa Jaaye Hai

Naqsh Ko Usake Musavvir Par Bhi Kyaa Kyaa Naaz Hai
Khenchataa Hai Jis Qadar Utanaa Hi Khinchataa Jaaye Hai

Saayaa Meraa Mujhase Misl-e-duud Bhaage Hai 'asad'
Paas Mujh Aatish_ba-jaan Ke Kis Se Thaharaa Jaaye Hai