Aayee Ab Ki Saal Diwali Munh Par Apne Khoon Male Lyrics

Aayee Ab Ki Saal Diwali Munh Par Apne Khoon Male
Aayee Ab Ki Saal Diwali
Chaaron Taraf Hai Ghor Andheraa Ghar Mein Kaise Deep Jale
Aayee Ab Ki Saal Diwali

Baalak Tarse Phuljhadiyon Ko, Deepon Ko Deevaaren
Maan Ki Godi Sooni Sooni, Aangan Kaise Sanvaare
Raah Mein Unki Jaao Ujaalon Ban Mein Jinki Shaam Dhale
Aayee Ab Ki Saal Diwali

Jinke Dam Se Jagmag Jagmag Karti Thi Ye Raaten
Chori Chori Ho Jaati Thi Man Se Man Ki Baaten
Chhod Chale Vo Ghar Mein Amaavas, Jyoti Lekar Saath Chale
Aayee Ab Ki Saal Diwali

Tap-tap Tap-tap Tapke Aansoo, Chhalki Khaali Thaali
Jaane Kyaa Kyaa Samjhaati Hai Aankhon Ki Ye Laali
Shor Machaa Hai Aag Lagi Hai Katte Hain Parvat Pe Gale
Aayee Ab Ki Saal Diwali Munh Par Apne Khoon Male
Chaaron Taraf Hai Ghor Andheraa Ghar Mein Kaise Deep Jale
Aayee Ab Ki Saal Diwali