Nahin Ki Mujhako Qayaamat Kaa Etiqaad Nahin

Nahin Ki Mujhako Qayaamat Kaa Etiqaad Nahin
Shab-e-firaaq Se Roz-e-jazaa Ziyaad Nahin

Ko_i Kahe Ki Shab-e-mah Men Kyaa Buraa_i Hai
Balaa Se Aaj Agar Din Ko Abr-o-baad Nahin

Jo Aauun Saamane Un Ke To Marahabaa Na Kahen
Jo Jaauun Vaan Se Kahin Ko, To Khairabaad Nahin

Kabhi Jo Yaad Bhi Aataa Huun Main To Kahate Hain
Ke Aaj Bazm Men Kuchh Fitnaa-o-fasaad Nahin

Alaavaa Id Ke Milati Hai Aur Din Bhi Sharaab
Gadaa-e-kuuchaa-e-maikhaanaa Naamuraad Nahin

Jahaan Men Ho Gam-o-shaadi Baham, Hamen Kyaa Kaam
Diyaa Hai Hamako Khudaa Ne Vo Dil Ke Shaad Nahin

Tum Un Ke Vaade Zikr Un Se Kyuun Karo "ghalib"
Ye Kyaa Ke Tum Kaho Aur Vo Kahen Ke Yaad Nahin

Na Thaa Kuchh To Khudaa Thaa, Kuchh Na Hotaa To Khudaa Hotaa

Na Thaa Kuchh To Khudaa Thaa, Kuchh Na Hotaa To Khudaa Hotaa
Duboyaa Mujh Ko Hone Ne, Na Hotaa Main To Kyaa Hotaa

Huaa Jab Gam Se Yuun Behis To Gam Kyaa Sar Ke Katane Kaa
Na Hotaa Gar Judaa Tan Se To Zaannon Par Dharaa Hotaa

Hui Muddat Ke 'ghalib' Mar Gayaa Par Yaad Aataa Hai
Wo Har Ek Baat Pe Kahanaa Ke Yuun Hotaa To Kyaa Hotaa

Na Hui Gar Mere Marane Se Tasalli Na Sahi

Na Hui Gar Mere Marane Se Tasalli Na Sahi
Imtihaan Aur Bhi Baaqi Ho To Ye Bhi Na Sahi

Khaar-khaar-e-alam-e-hasarat-e-didaar To Hai
Shauq Gulachin-e-gulistaan-e-tasalli Na Sahi

May Parastaan Khum-e-may Muunh Se Lagaaye Hi Bane
Ek Din Gar Na Huaa Bazm Men Saaqi Na Sahi

Nafaz-e-qais Ke Hai Chashm-o-charaag-e-saharaa
Gar Nahin Shama-e-siyahakhaanaa-e-lailaa Na Sahi

Ek Hangaame Pe Maukuuf Hai Ghar Ki Raunak
Noh-e-gam Hi Sahi, Nagmaa-e-shaadi Na Sahi

Na Sitaaish Ki Tamannaa Na Sile Ki Parawaah
Gar Nahin Hai Mere Ashaar Men Maane Na Sahi

Isharat-e-sohabat-e-khubaan Hi Ganimat Samajho
Na Hui "ghalib" Agar Umr-e-tabi_i Na Sahi

Muddat Hui Hai Yaar Ko Mahamaan Kiye Hue

Muddat Hui Hai Yaar Ko Mahamaan Kiye Hue
Josh-e-qadah Se Bazm Charaagaan Kiye Hue

Karataa Huun Jamaa Phir Jigar-e-lakht-lakht Ko
Arsaa Huaa Hai Daavat-e-mizshgaan Kiye Hue

Phir Vazaa-e-ehatiyaat Se Rukane Lagaa Hai Dam
Barason Hue Hain Chaak Girebaan Kiye Hue

Phir Garm_naalaa Haaye Sharar_baar Hai Nafas
Muddat Hui Hai Sair-e-charaagaan Kiye Hue

Phir Pursish-e-jaraahat-e-dil Ko Chalaa Hai Ishq
Saamaan-e-sad_hazaar Namak_daan Kiye Hue

Phir Bhar Rahaa Huun Khaamaa-e-mizshgaan Baa_khuun-e-dil
Saaz-e-chaman_taraazi-e-daamaan Kiye Hue

Baa_ham_digar Hue Hain Dil-o-didaa Phir Raqib
Nazzaaraa-o-khayaal Kaa Saamaan Kiye Hue

Dil Phir Tavaaf-e-kuu-e-malaamat Ko Jaaye Hai
Pindaar Kaa Sanam_kadaa Viraan Kiye Hue

Phir Shauq Kar Rahaa Hai Kharidaar Ki Talab
Arz-e-mataa-e-aql-o-dil-o-jaan Kiye Hue

Dau.de Hai Phir Har Ek Gul-o-laalaa Par Khayaal
Sad_gul_sitaan Nigaah Kaa Saamaan Kiye Hue

Phir Chaahataa Huun Naamaa-e-dil_daar Kholanaa
Jaan Nazar-e-dil_farebi-e-unvaan Kiye Hue

Maange Hai Phir Kisi Ko Lab-e-baam Par Havas
Zulf-e-siyaah Rukh Pe Pareshaan Kiye Hue

Chaahe Phir Kisi Ko Muqaabil Men Aarazuu
Surme Se Tez Dashnaa-e-mizshgaan Kiye Hue

Ik Nau_bahaar-e-naaz Ko Taake Hai Phir Nigaah
Chehara Furog-e-mai Se Gulistaan Kiye Hue

Phir Ji Men Hai Ki Dar Pe Kisi Ke Pa.de Rahen
Sar Zer Baar-e-minnat-e-darbaan Kiye Hue

Ji Dhuundhataa Hai Phir Vahi Fursat Ke Raat Din
Baithe Rahen Tasavvur-e-jaanaan Kiye Hue

'ghalib' Hamen Na Chhe.d Ki Phir Josh-e-ashk Se
Baithe Hain Ham Tahayyaa-e-tuufaan Kiye Hue

Milati Hai Khuu-e-yaar Se Naar Iltihaab Men

Milati Hai Khuu-e-yaar Se Naar Iltihaab Men
Kaafir Huun Gar Na Milati Ho Raahat Azaab Men

Kab Se Huun Kyaa Bataauun Jahaan-e-kharaab Men
Shab Haaye Hijr Ko Bhi Rakhuun Gar Hisaab Men

Taa Phir Na Intazaar Men Nind Aaye Umr Bhar
Aane Kaa Ahad Kar Gaye Aaye Jo Khwaab Men

Qaasid Ke Aate Aate Khat Ik Aur Likh Rakhuun
Main Jaanataa Huun Jo Vo Likhenge Jawaab Men

Mujh Tak Kab Un Ki Bazm Men Aataa Thaa Daur-e-jaam
Saaqi Ne Kuchh Milaa Na Diyaa Ho Sharaab Men

Jo Munkir-e-vafaa Ho Fareb Us Pe Kyaa Chale
Kyuun Badagumaan Huun Dost Se Dushman Ke Baab Men

Main Muztarib Huun Vasl Men Khauf-e-raqib Se
Daalaa Hai Tum Ko Vahm Ne Kis Pech-o-taab Men

Mai Aur Hizz-e-vasl, Khudaa_saaz Baat Hai
Jaan Nazr Deni Bhuul Gayaa Iztiraab Men

Hai Tevari Cha.di Hui Andar Naqaab Ke
Hai Ik Shikan Pa.di Hui Tarf-e-naqaab Men

Laakhon Lagaav, Ik Churaanaa Nigaah Kaa
Laakhon Banaav, Ik Biga.danaa Itaab Men

Vo Naalaa Dil Men Khas Ke Baraabar Jagah Na Paaye
Jis Naale Se Shigaaf Pa.de Aafataab Men

Vo Sehr Muddaa Talbi Men Na Kaam Aaye
Jis Sehr Se Safinaa Ravaan Ho Saraab Men

'ghalib' Chuti Sharaab, Par Ab Bhi Kabhi Kabhi
Pitaa Huun Roz-e-abr-o-shab-e-maahataab Men

Maanaa-e-dasht Naavardi Ko_i Tadabir Nahin

Maanaa-e-dasht Naavardi Ko_i Tadabir Nahin
Ek Chakkar Hai Mere Paaon Men Zanjir Nahin

Hasarat-e-lazzat-e-aazar Rahi Jaati Hai
Jaadah-e-raah-e-vafaa Juz Dam-e-shamshir Nahin

Ranj-e-naa-ummidi-e-jaaved Gavaaraa Rahiyo
Khush Huun Gar Naalaa Zabuuni Kash-e-taasir Nahin

Sar Khujaataa Hai Jahaan Zakhm-e-sar Achchaa Ho Jaye
Lazzat-e-sang Baa-andaazaa-e-taqarir Nahin

Jab Karam Rukhsat-e-bebaaki-o-gustaakhi De
Ko_i Taqasir Ba-juz Khaslat-e-taqasir Nahin

"ghalib" Apanaa Ye Aqidaa Hai Baqaul-e-naasikh
Aap Be-beharaa Hain Jo Motaaqid-e-mir Nahin

Maze Jahaan Ke Apani Nazar Men Khaak Nahin

Maze Jahaan Ke Apani Nazar Men Khaak Nahin
Sivaay Khuun-e-jigar, So Jigar Men Khaak Nahin

Magar Gubaar Hue Par Hava U.daa Le Jaaye
Vagarnaa Taab-o-tavaan Baal-o-par Men Khaak Nahin

Ye Kis Bahisht_shamaail Ki Aamad-aamad Hai
Ke Gair Jalvaa-e-gul Raah_guzar Men Khaak Nahin

Bhalaa Use Na Sahi, Kuchh Mujhi Ko Raham Aataa
Asar Mere Nafas-e-be_asar Men Khaak Nahin

Khayaal-e-jalvaa-e-gul Se Kharaab Hai Maikash
Sharaab_khaane Ke Divar-o-dar Men Khaak Nahin

Huaa Huun Ishq Ki Gaarat_gari Se Sharmindaa
Sivaay Hasrat-e-taamir Ghar Men Khaak Nahin

Hamaare Sher Hain Ab Sirf Dil_lagi Ke 'asad'
Khulaa Ki Faayedaa Arz-e-hunar Men Khaak Nahin

Main Unhen Chhe.duun Aur Kuch Na Kahen

Main Unhen Chhe.duun Aur Kuch Na Kahen
Chal Nikalate Jo Mai Piye Hote

Qahar Ho Yaa Balaa Ho, Jo Kuchh Ho
Kaash Ke Tum Mere Liye Hote

Meri Qismat Men Gam Gar Itanaa Thaa
Dil Bhi Yaa Rab Kai Diye Hote

Aa Hi Jaataa Vo Raah Par 'ghalib'
Koi Din Aur Bhi Jiye Hote

Laazim Thaa Ki Dekho Meraa Rastaa Koi Din Aur

Laazim Thaa Ki Dekho Meraa Rastaa Koi Din Aur
Tanhaa Gaye Kyon Ab Raho Tanhaa Koi Din Aur

Mit Jaayegaa Sar, Gar Teraa Paththar Na Ghisegaa
Huun Dar Pe Tere Naasiyaa_farsaa Koi Din Aur

Aaye Ho Kal Aur Aaj Hi Kahate Ho Ki Jaauun
Maanaa Ki Hameshaa Nahin Achchaa Koi Din Aur

Jaate Hue Kahate Ho Qayaamat Ko Milenge
Kyaa Khuub! Qayaamat Kaa Hai Goyaa Koi Din Aur

Haan Ae Falak-e-pir, Javaan Thaa Abhi Aarif
Kyaa Teraa Biga.dataa Jo Na Marataa Koi Din Aur

Tum Maah-e-shab-e-char_duhum The Mere Ghar Ke
Phir Kyon Na Rahaa Ghar Kaa Vo Naqshaa Koi Din Aur

Tum Kaun Se Aise The Khare Daad-o-sitad Ke
Karataa Malak_ul_maut Taqaazaa Koi Din Aur

Mujhase Tumhen Nafrat Sahi, Nayyar Se La.daai
Bachhon Kaa Bhi Dekhaa Na Tamaashaa Koi Din Aur

Guzari Na Bahar_haal Yaa Muddat Khushi-naakhush
Karanaa Thaa Javaan_marg! Guzaaraa Koi Din Aur

Naadaan Ho Jo Kahate Ho Ki Kyon Jite Ho 'ghalib'
Qismat Men Hai Marane Ki Tamannaa Koi Din Aur

Kyonkar Us But Se Rakhuun Jaan Aziz

Kyonkar Us But Se Rakhuun Jaan Aziz
Kyaa Nahin Hai Mujhe Imaan Aziz

Dil Se Nikalaa Pa Na Nikalaa Dil Se
Hai Tere Tir Kaa Paikaan Aziz

Taab Laaye Hi Banegi 'ghalib'
Baaqi_aa Sakht Hai Aur Jaan Aziz

Koi Ummid Bar Nahin Aati Koi Suurat Nazar Nahin Aati

Koi Ummid Bar Nahin Aati
Koi Suurat Nazar Nahin Aati

Maut Kaa Ek Din Mu'ayyaan Hai
Nind Kyon Raat Bhar Nahin Aati

Aage Aati Thi Haal-e-dil Pe Hansi
Ab Kisi Baat Par Nahin Aati

Jaanataa Huun Savaab-e-taa'at-o-zahad
Par Tabiyat Idhar Nahin Aati

Hai Kuchh Aisi Hi Baat Jo Chup Huun
Varna Kyaa Baat Kar Nahin Aati

Kyon Na Chikhuun Ki Yaad Karate Hain
Meri Aavaaz Gar Nahin Aati

Daag-e-dilagarnazar Nahin Aata
Buu Bhi Ai Chaaraagar Nahin Aati

Ham Vahaan Hain Jahaan Se Ham Ko Bhi
Kuchh Hamaari Khabar Nahin Aati

Marate Hain Aarazuu Men Marane Ki
Maut Aati Hai Par Nahin Aati

Kaabaa Kis Muunh Se Jaaoge 'ghalib'
Sharm Tumako Magar Nahinaati

Koi Din Gar Zindagani Aur Hai

Koi Din Gar Zindagani Aur Hai
Apane Ji Men Hamane Thaani Aur Hai

Aatish-e-dozakh Men Ye Garmi Kahaan
Soz-e-gam Hai Nihaani Aur Hai

Baarahaa Dekhin Hain Unaki Ranjishen
Par Kuchh Ab Ke Sar_giraani Aur Hai

Deke Khat Muunh Dekhataa Hai Naamaabar
Kuchh To Paigaam-e-zabaani Aur Hai

Qaataa-e-amaar Hai Aksar Nujuum
Vo Balaa-e-aasamaani Aur Hai

Ho Chukin "ghalib" Balaayen Sab Tamaam
Ek Marg-e-naagahaani Aur Hai

Kisi Ko Deke Dil Koi Navaa_sanj-e-fugaan Kyon Ho

Kisi Ko Deke Dil Koi Navaa_sanj-e-fugaan Kyon Ho
Na Ho Jab Dil Hi Sinemen To Phir Muunh Men Zubaan Kyon Ho

Vo Apani Khuu Na Chho.denge Ham Apani Vazaa Kyon Badalen
Subuk_saar Banake Kyaa Puuchhen Ki Ham Se Sar_giraan Kyon Ho

Kiyaa Gam_khvaar Ne Rusavaa Lage Aag Is Muhabbat Ko
Na Laaye Taab Jo Gam Ki Vo Meraa Raazadaan Kyon Ho

Vafaa Kaisi Kahaan Kaa Ishq Jab Sar Pho.danaa Thaharaa
To Phir Ai Sang_dil Teraa Hi Sang-e-aastaan Kyon Ho

Qafas Men Mujh Se Ruudaad-e-chaman Kahate Na Dar Ham_dam
Giri Hai Jis Pe Kal Bijali Vo Meraa Aashiyaan Kyon Ho

Ye Kah Sakate Ho Ham Dil Men Nahin Hain Par Ye Bataao
Ki Jab Dil Men Tumhin Tum Ho To Aankhon Se Nihaan Kyon Ho

Galat Hai Jazabaa-e-dil Kaa Shikavaa Dekho Jurm Kisakaa Hai
Na Khincho Gar Tum Apane Ko Kashaakash Darmiyaan Kyon Ho

Ye Fitanaa Aadami Ki Khaanaaviraani Ko Kyaa Kam Hai
Hue Tum Dost Jisake Dushman Usakaa Aasmaan Kyon Ho

Yahi Hai Aazamaanaa To Sataanaa Kis Ko Kahate Hain
Aduu Ke Ho Liye Jab Tum To Meraa Imtihaan Kyon Ho

Kahaa Tumane Ki Kyon Ho Gair Ke Milane Men Rusavaai
Bajaa Kahate Ho Sach Kahate Ho Phir Kahiyo Ki Haan Kyon Ho

Nikaalaa Chaahataa Hai Kaam Kyaa Taanon Se Tuu "ghalib"
Tere Bemahar Kahane Se Vo Tujh Par Meharabaan Kyon Ho

Ki Vafaa Hamase To Gair Use Jafaa Kahate Hain

Ki Vafaa Hamase To Gair Use Jafaa Kahate Hain
Hoti Aa_i Hai Ke Achchhon Ko Buraa Kahate Hain

Aaj Ham Apani Pareshaani-e-khaatir Un Se
Kahane Jaate To Hain, Par Dekhiye Kyaa Kahate Hain

Agale Vaqton Ke Hain Ye Log, Inhen Kuchh Na Kaho
Jo May-o-nagmen Ko Andoharubaa Kahate Hain

Dil Men Aa Jaa_e Hai, Hoti Hai Jo Fursat Gash Se
Aur Phir Kaun Se Naale Ko Rasaa Kahate Hain?

Hai Par-e-sarahad-e-idaraak Se Apanaa Masjud
Qible Ko, Ahal-e-nazar, Qiblaanumaa Kahate Hain

Paa-e-afagaar Pe Jab Se Tujhe Raham Aayaa Hai
Khaar-e-raah Ko Tere Ham Mehr-e-giyaa Kahate Hain

Ik Sharar Dil Men Hai, Us Se Ko_i Ghabaraayegaa Kyaa
Aag Matalub Hai Hamako, Jo Havaa Kahate Hain

Dekhiye Laati Hai Us Shokh Ki Nakhvat Kyaa Rang
Us Ki Har Baat Pe Ham Naam-e-khudaa Kahate Hain

Vahashat-o-sheftaa Ab Marsiyaa Kahaven Shaayad
Mar Gayaa "ghalib"-e-aashuftaanavaa Kahate Hain

Kal_katte Kaa Jo Zikr Kiyaa Tuune Ham_nashin

Kal_katte Kaa Jo Zikr Kiyaa Tuune Ham_nashin
Ik Tir Mere Sine Men Maaraa Ke Haaye Haaye

Vo Sabzaa Zaar Haaye Mutarraa Ke Hai Gazab
Vo Naazanin Butaan-e-khud_aaraa Ke Haaye Haaye

Sabr_aazmaa Vo Un Ki Nigaahen Ke Haf Nazar
Taaqat_ruubaa Vo Un Kaa Ishaaraa Ke Haaye Haaye

Vo Mevaa Haaye Taazaa-e-shirin Ke Vaah Vaah
Vo Baadaa Haaye Naab-e-gavaaraa Ke Haaye Haaye

Kahate Ho Na Denge Ham Dil Agar Pa.daa Paayaa

Kahate Ho Na Denge Ham Dil Agar Pa.daa Paayaa
Dil Kahaan Ki Gum Kije Hamane Mudda_aa Paayaa

Ishq Se Tabi_at Ne Zist Kaa Mazaa Paayaa
Dard Ki Davaa Paa_i Dard-e-bedavaa Paayaa

Dostadaar-e-dushman Hai Etimaad-e-dil Maaluum
Aah Be_asar Dekhi Naalaa Naarasaa Paayaa

Saadagi-o-pur_kaari Bekhudi-o-hoshiyaari
Husn Ko Tagaaful Men Jura_at Aazamaa Paayaa

Gunchaa Phir Lagaa Khilane Aaj Ham Ne Apanaa Dil
Khuun Kiyaa Hu_aa Dekhaa Gum Kiyaa Hu_aa Paayaa

Haal-e-dil Nahin Maaluum Lekin Is Qadar Yaani
Ham Ne Baarahaa Dhundhaa Tum Ne Baarahaa Paayaa

Shor-e-pand-e-naaseh Ne Zakhm Par Namak Chhi.dakaa
Aap Se Ko_i Puchhe Tum Ne Kyaa Mazaa Paayaa

Kab Vo Sunataa Hai Kahaani Meri Aur Phir Vo Bhi Zabaani Meri

Kab Vo Sunataa Hai Kahaani Meri
Aur Phir Vo Bhi Zabaani Meri

Khalish-e-gamzaaa-e-khuunrez Naa Puuchh
Dekh Khuunaabaa_fishaani Meri

Kyaa Bayaan Karake Meraa Roye.ge Yaar
Magar Aashuftaa-bayaani Meri

Huun Zikhud Raftaa-e-baidaa-e-khayaal
Bhuul Jaanaa Hai Nishaani Meri

Mutaqaabil Hai Muqaabil Meraa
Ruk Gayaa Dekh Ravaani Meri

Qadr-e-sang-e-sar-e-rah Rakhataa Huun
Sakht Arzaan Hai Giraani Meri

Dahan Us Kaa Jo Na Maluum Huaa
Khul Ga_i Hechamandaani Meri

Kar Diyaa Zof Ne Aajiz "ghalib"
Nang-e-piri Hai Javaani Meri

Kabhi Neki Bhi Usake Ji Men Aa Jaaye Hai Mujhase

Kabhi Neki Bhi Usake Ji Men Aa Jaaye Hai Mujhase
Jafaayen Karake Apani Yaad Sharmaa Jaaye Hai Mujhase

Khudaayaa! Jazbaa-e-dil Ki Magar Taasir Ulati Hai
Ki Jitanaa Khenchataa Huun Aur Khinchataa Jaaye Hai Mujhase

Vo Bad Khuu Aur Meri Daastan-e-ishq Tuulaanii
Ibaarat Mukhtasar, Qaasid Bhi Ghabaraa Jaaye Hai Mujhase

Udhar Vo Badagumaani Hai, Idhar Ye Naatavani Hai
Naa Puuchhaa Jaaye Hai Usase, Na Bolaa Jaaye Hai Mujhase

Sanbhalane De Mujhe Ae Naaumidi, Kyaa Qayaamat Hai
Ki Daamaane Khayaale Yaar Chhuutaa Jaaye Hai Mujhase

Takalluf Bar Taraf Nazzaaragi Men Bhi Sahi, Lekin
Vo Dekhaa Jaaye, Kab Ye Zulm Dekhaa Jaaye Hai Mujhase

Hue Hain Paanv Hi Pahale Nabard-e-ishq Men Zakhmi
Na Bhaagaa Jaaye Hai Mujhase, Na Thaharaa Jaaye Hai Mujhase

Qayaamat Hai Ki Hove Muddai Kaa Hamsafar ‘ghalib’
Vo Kaafir, Jo Khudaa Ko Bhi Na Saunpaa Jaaye Hai Mujhase

Jis Bazm Men Tuu Naaz Se Guftaar Men Aave

Jis Bazm Men Tuu Naaz Se Guftaar Men Aave
Jaan Kaalabad-e-suurat-e-divaar Men Aave

Saaye Ki Tarah Saath Phiren Sarv-o-sanobar
Tuu Is Qad-e-dilakash Se Jo Gulazaar Mwn Aave

Tay Naaz-e-giraanmaayagi-e-ashk Bajaa Hai
Jab Lakht-e-jigar Didaa-e-khuunbaar Men Aave

De Mujhako Shikaayat Ki Ijaazat Ki Sitamagar
Kuchh Tujhako Mazaa Bhi Mere Aazaar Men Aave

Us Chashm-e-fusuungar Kaa Agar Paaye Ishaaraa
Tuuti Ki Tarah Aa_inaa Guftaar Mein Aave

Kaanton Ki Zabaan Suukh Gayi Pyaas Se Yaa Rab
Ik Aabalaapaa Vaadi-e-purakhaar Men Aave

Mar Jaauun Na Kyon Rashk Se Jab Vo Tan-e-naazuk
Aagosh-e-khaam-e-halqaa-e-zunnaar Men Aave

Gaaratagar-e-naamuus Na Ho Gar Havas-e-zar
Kyon Shaahid-e-gul Baag Se Baazaar Men Aave

Tab Chaak-e-girebaan Kaa Mazaa Hai Dil-e-naadaan
Jab Ik Nafas Ulajhaa Huaa Har Taar Men Aave

Aatish_kadaa Hai Sinaa Meraa Raaz-e-nihaan Se
De Vaaye Agar Ma'ariz-e-izhaar Men Aave

Ganjinaa-e-ma'ani Kaa Talism Usako Samajhiye
Jo Lafz Ki "ghalib" Mere Ashaar Men Aave

Jaur Se Baaz Aaye Par Baaz Aayen Kyaa

Jaur Se Baaz Aaye Par Baaz Aayen Kyaa
Kahate Hain Ham Tum Ko Muunh Dikhalaayen Kyaa

Raat Din Gardish Men Hain Saat Aasmaan
Ho Rahegaa Kuchh Na Kuchh Ghabaraayen Kyaa

Laag Ho To Us Ko Ham Samajhen Lagaav
Jab Na Ho Kuchh Bhi To Dhokaa Khaayen Kyaa

Ho Liye Kyon Naamaabar Ke Saath-saath
Yaa Rab Apane Khat Ko Ham Pahuunchaayen Kyaa

Mauj-e-khuun Sar Se Guzar Hi Kyon Na Jaaye
Aastaan-e-yaar Se Uth Jaayen Kyaa

Umr Bhar Dekhaa Kiye Marane Ki Raah
Mar Gae Par Dekhiye Dikhalaayen Kyaa

Puuchhate Hain Vo Ki "ghalib" Kaun Hai
Koi Batalaao Ki Ham Batalaayen Kyaa