Husn Gamze Ki Kashaakash Se Chhutaa Mere Baad

Husn Gamze Ki Kashaakash Se Chhutaa Mere Baad
Baare Aaraam Se Hai Ahl-e-jafaa Mere Baad

Mansab-e-shefatagi Ke Koi Qaabil Na Rahaa
Hui Ma_azuuli-e-andaaz-o-adaa Mere Baad

Shama Bujhati Hai To Us Men Se Dhuaan Uthataa Hai
Sholaa-e-ishq Siyahaposh Huaa Mere Baad

Khuun Hai Dil Khaak Men Ahavaal-e-butaan Par, Yaani
Unake Naakhun Hue Mohataaj-e-hinaa Mere Baad

Darakhur-e-arz Nahin Jauhar-e-bedaad Ko Jaa
Nigah-e-naaz Hai Surme Se Khafaa Mere Baad

Hai Junuun Ahl-e-junuun Ke Liye Aagosh-e-vidaa
Chaaq Hotaa Hai Garebaan Se Judaa Mere Baad

Kaun Hotaa Hai Harif-e-mai-e-mard-afgan-e-ishq
Hai Mukarrar Lab-e-saaqi Pe Salaa Mere Baad

Gam Se Marataa Huun Ke Itanaa Nahin Duniyaa Men Koi
Ke Kare Ta_aziyat-e-mehar-o-vafaa Mere Baad

Aaye Hai Bekasi-e-ishq Pe Ronaa 'ghalib'
Kisake Ghar Jaayegaa Sailaab-e-balaa Mere Baad