Hu_i Taakhir To Kuchh Baa_is-e-taakhir Bhi Thaa

Hu_i Taakhir To Kuchh Baa_is-e-taakhir Bhi Thaa
Aap Aate The Magar Ko_i Inaangir Na Thaa

Tum Se Bejaa Hai Mujhe Apani Tabaahi Kaa Gilaa
Us Men Kuchh Shaa_ib-e-khuubi-e-taqadir Bhi Thaa

Tuu Mujhe Bhuul Gayaa Ho To Pataa Batalaa Duun
Kabhi Fitaraak Men Tere Ko_i Nakhchir Bhi Thaa

Qaid Men Hai Tere Vahashi Ko Vahi Zulf Ki Yaad
Haan Kuchh Ek Ranj-e-garaanbaari-e-zanjir Bhi Thaa

Bijali Kaund Ga_i Aankhon Ke Aage, To Kyaa
Baat Karate, Ke Main Lab Tashnaa-e-taqarir Bhi Thaa

Yusuf Us Ko Kahuun Aur Kuchh Na Kahe, Khair Hu_i
Gar Biga.g Baithe To Main Laayaq-e-ta'zir Bhi Thaa

Dekh Kar Gair Ko Kyuun Ho Na Kalejaa Thandaa
Naalaa Karataa Thaa Vale Taalib-e-taasir Bhi Thaa

Peshe Men Aib Nahin, Rakhiye Na Farhaad Ko Naam
Ham Hi Aashuftaa-saron Men Vo Javaan 'meer' Bhi Thaa

Ham The Marane Ko Kha.de Paas Na Aayaa Na Sahi
Aakhir Us Shaukh Ke Tarakash Men Ko_i Tir Bhi Thaa

Paka.de Jaate Hain Farishton Ke Likhe Par Naahak
Aadami Ko_i Hamaaraa Dam-e-taharir Bhi Thaa

Rekhtaa Ke Tumhin Ustaad Nahin Ho "ghalib"
Kahate Hain Agale Zamaane Men Ko_i 'mir' Bhi Thaa