Ishq Mujhako Nahin Vahashat Hi Sahi

Ishq Mujhako Nahin Vahashat Hi Sahi
Meri Vahashat Teri Shoharat Hi Sahi

Qataa Kije Na Ta'alluq Ham Se
Kuchh Nahin Hai To Adaavat Hi Sahi

Mere Hone Men Hai Kyaa Rusvaa_i
Ye Vo Majalis Nahin Khalvat Hi Sahi

Ham Bhi Dushman To Nahin Hain Apane
Gair Ko Tujh Se Mohabbat Hi Sahi

Apani Hasti Hi Se Ho Jo Kuchh Ho
Aagahi Gar Nahin Gafalat Hi Sahi

Umr Har Chand Ke Hai Barq-e-khiraam
Dil Ke Khuun Karane Ki Fursat Hi Sahi

Ham Koi Tarq-e-vafaa Karate Hain
Na Sahi Ishq Musibat Hi Sahi

Kuchh To De Ai Falak-e-na_insaaf
Aah-o-fariyaad Ki Rukhasat Hi Sahi

Ham Bhi Taslim Ki Khuu Daalenge
Beniyaazi Teri Aadat Hi Sahi

Yaar Se Chhedaa Chali Jaaye "asad"
Gar Nahin Vasl To Hasarat Hi Sahi